ከአጊላ ኢትዮጵያ፦ ጥሪ ለምርጥና ለቆራጥ የኢትዮጵያ ልጆች በሙሉ!       
      አገርን በመልቀቅ ከመሬት ከመፍለስ፣
      የትም ተበትኖ ሁልጊዜ ከማልቀስ፣
      አንድ ላይ በመሆን  ጠላትን መደምሰስ።
     ጥያቄው፦ እናት ኢትዮጵያንና ከሰባት ሺህ ዓመታት በላይ የቆየን አብሮነትን የማዳን ጉዳይ ነው!
ይህን በመገንዘብ አጊላ ኢትዮጵያ ፣ለአገርና ለወገን አድን ጥሪ እርብርቦሽ ለማድረግ፤ ልክ ከቀፎ እንደ ሚፈላ ንብ ተግቶ በመስራት በዓለም አቀፍ ዙሪያ የቃል ኪዳን ሰንሰለት በመስራት፣ በጠራና በተቀላጠፈ ሁኔታ ለውድ አገሩ ኢትዮጵያና ለደጉ ሕዝብ በፍጥነት መድረስ አለብን ይላል።
     ከጥቃቱ አንፃር ሲታይ አገሬን፣ ሕዝቤን እያለ የሚቃጠለው ወገን የዘገየ ቢሆንም ጨርሶ ከመቅረት
ዘግይቶ መድረስ ይሻላልና መርዘኛው ጠላት ሻቢያ ወያኔ  ፈፅሞ ሳያጠፋን ቀበቶችንን ጠበቅ፣ መቀነታችንን እስር፣ ግንባራችንን ኮስተር፣ ጥርሳችንን ንክስ በማድረግ ጠንክረን በመታገል ጎጠኛውን የሻቢያ ወያኔን ዘረኛ ስርዓት እናስወግድ።
     ውድ ኢትዮጵያውያን ሆይ! የሻቢያ ወያኔ ዘራኛ ስርዓት እንዲወገድ ታግለህ ያለ ውጤት ቀርተሀል።
ስለዚህ፣ ከወሬው በመውጣት፣ እንደ አባቶቻችን ሙያ በልብ ነው የሚለውን ጠቢብ ቃል በመቀበል ቆራጥ ስራ እንስራ።
                                       የባዶው ጩሆት፣
                                      ሁልጊዜ መሞት።
                                     አገር እንዲኖር፣
                                   ሕዝብ እንዲከበር፣
                                  ቆርጠን እንነሳ እንተባበር፣
                                 እኛም ያገባናል ከየትም ብንኖር፣
                                በማለት እንማል በቃል ለተግባር።
         ማሳሰቢያ፦ መሰረታችን ኢትዮጵያዊነት ነው። ስለሆነም፣ በኛ በውድ የኢትዮጵያ ልጆች መሐል  ፍቅር፣ ሰላም፣ መረዳዳት..ወዘተ ከመቸውም በተለየ መልኩ የሚታይበት ጊዜ አሁን  ነው እንላለን።
በሌላ መልኩ ደግሞ፤ የሻቢያ ወያኔ  የፈጠራቸው ፀረ ኢትዮጵያና ኢትዮጵያዊነት ከውስጣችን ይውጡ!
ኢትዮጵያነታችንን የፀና ለማድርግ፣ በጠላት በኩል ከውስጥም ሆነ ከውጪ ከመጡ አጸያፊ  ልምዶችና ተግባሮች
እንፅዳ እንላለን።
                      እውነት! እምነት! ጽናት!
                       አጊላ ኢትዮጵያ!
                       እናት ኢትዮጵያ በጀግኖች ልጆቿ
                       ከውስጥና ከውጭ ጠላቶቿ ነፃ ትወጣለች።
                       ኢትዮጵያ ለዘላለም ትኑር።
                               እናቸንፋለን!